المجتمع والناس علاش حنا شعب ” موسخ ” علاااش؟!!!

علاش فرحة العيد ما كتكتمل عندنا غير ب”نشر الهياضر” فالشوارع وفوق السطوحا بدمائها الملكدة؟!!
علاش الاحتفال عندنا بمناسبة دينية ما كنحسو بيه غير ملي نحطو “خناشي الزبل” فوق بعضها ماشي فحاويات الازبال..هذا الى ما سرقناهاش!!
علاش نخوة العيد كنقتلوها بنشر “القديد” فالسطوحا والشراجم حتى ريحتو كتولي افضع من “جيفة” وهو يتطاير فالعلالي!
علاش بقينا نقدسو كلشي فهاد البلاد حتى امتدت القداسة ل”الميكة كحلة”؟!!
علاش كلشي عندنا مقدس حتى البشر!!! والنظافة فخط متوازي معانا علاااااش؟!!!
علاش مني ندوزو حدا كنيسة اولا مقبرة مسيحية او يهودية كتبان لينا بحال نزهة ربيعية ومني ندوزو حدا جامع ومقبرة المسلمين يبانو بحال الى عاد ضاربهم صاروخ علااااش؟!!
ياك النظافة من الإيمان…آمنوا بما هو متاح…لما هو بين أيدينا خاصنا فقط غير نامنوا به قبل ما دفعوا الملايين بحثا عن الإيمان في الاصقاع البعيدة!!!
يا الله نامنوااا…وبالعربية تاعرابيت…يا الله نتنقاااااو!!!

حنان باكور